Opinn jólaskógur í Smalaholti 2011
Ágætu félagar í Skógræktarfélagi Garðabæjar.
Laugardaginn 17. desember n.k. verður „opinn jólaskógur“ í Smalaholti milli kl. 13:00 og 16:00. Skógræktarfélag Garðabæjar og Lionsklúbburinn Eik vinna saman að því að opna skóginn fyrir fjölskyldur bæjarins til að velja sér jólatré. Aðallega er um að ræða stafafuru og stöku greni og eingöngu má saga þau tré sem merkt hafa verið sérstaklega með plastborðum. Eitt verð, kr. 5000, er á öllum trjám og þeim er pakkað í net eftir óskum. Ef sög er til á heimilinu er ágætt að hafa hana með.
Ráðlegt er að mæta vel klæddur en auk þess verður boðið upp á heitt kakó, kaffi og piparkökur í skóginum.
Athugið að eitt verð, kr. 5000, er á öllum trjám og aðeins er um staðgreiðslu að ræða.
Aðkoma að skógræktarsvæðinu í Smalaholti er við bílastæðið af Elliðavatnsvegi, norðan við Vífilsstaðavatn. Flaggað verður á staðnum.
Gerum okkur glaðan dag í skóginum í Smalaholti.
Með jólakveðju,
Stjórn Skógræktarfélags Garðabæjar og Lionsklúbburinn Eik
No comments:
Post a Comment